egoera sozio-laborala |
|
 |
Iparraldeko ikastolen historia orain 40 urte hasi zen, zehazki 1969an. Ama ikastolarekin hasi, eta handik hamabi urtera zabaldu zuen lehen lizeoa Seaskak, eta ordutik ehunka dira 3. zikloa euskaraz bertan egin duten ikasleak. Hain justu, ikasle horiek osatzen dute Iparraldean euskaraz eskola maila altuena jasotako kolektiboa.
Baina Seaskatik atera ondoren, nora jo dute ikasle
horiek? Non ikasi dute? Zer? Zein lanetan ari dira?
Non? Euren ibilbide
sozio-profesionalaren
jarraipenik
ez da
egin orain arte.
Eta informazio
horrek interes
eta garrantzi
handia du, bai
ikastolen elkartearentzat
eta euskaltzaleentzat,
baita Iparraldeko sare
sozio-ekonomikoarentzat
ere.
|
|
Horren garrantziaz jabetuta,
Gaindegiak, Seaska
eta Hezkuntekekin elkarlanean,
lan hau sustatu du,
Iparraldearen etorkizunerako
zer erakutsia izango duelakoan.
Ikerlanak ondorio argiak utzi ditu. Seaskaren lanari esker,
euskaraz eskolatutako profesional multzo zabala dago Iparraldean,
eta gainerako kolektiboek baino hautu sendoagoa hartu
dute Iparraldean bizi eta
lan egiteko. Horrek Iparraldea
bertako seme-alabez
husten duen joera apaltzeko
balio du, bertako sare
sozio-ekonomikoari profesional
onak eta euskaldunak
eskainiz.
Baina giza zientziei lotutako
ikasketak eta lanbideak
dira nagusi, eta joera
horri eutsiz gero, laster
ugaritu daiteke langabetuen
kopurua ikasle ohien
artean. Adar horiek aukeratuta,
gainera, eragin ekonomiko
eta sozial handienetako eginkizunetatik
kanpo gelditzen dira euskaraz eskolatutako
profesionalak.
Izan ere, Iparraldearen erronka sozioekonomiko
nagusietako bat bere jarduera
ekonomikoa dibertsifikatzea da, turismoa
eta turismoarekin lotutako zerbitzuen
nagusitasuna orekatzea, eta industria
eta industriari lotutako zerbitzuak
garatzea, hain justu. Egun Seaska uzten
duten ikasle gehienak ez daude erronka
horretan laguntzeko prestatuak.
Hor dago erronka: Iparraldeko sare
ekonomiko eta sozialaren erronketan inplikatuko
den giza talde sendoa sortzea,
eta horretarako Hegoaldeak aukera ezin
hobeak eskaintzen ditu.
Eneko Gorrik zuzendu du lana, eta
Ramuntxo Etcheberrik, Beñat Castorenek, Jaki Aguerrek, Gillermo
Etxeberriak eta Seaskako ikasle ohiek osatu dute lantaldea,
Anton Mustirats eta Eusko Ikaskuntzaren laguntza izan dute.
Ikerketa egiteko informazioa galdeketen bidez lortu dute,
eta galdeketa hori zazpi atalen inguruan eraiki: ikasleen datuak,
gaurko egoera, ikasketa-ibilbidea, lan-ibilbidea, bizitokia, hizkuntza-
ohiturak, eta Seaska. Guztira 96 galdera egin dituzte,
horietatik sei irekiak. Galdeketa osatzeko, hiru aukera eskaini
dizkiete ikasle ohiei: on-line bidez, paperez, e-postaz, edo telefonoz.
Erantzun gehienak on-line eta e-postaz jaso dituzte.
Ikasleak aurkitzeko auzo-lanean ibili da lantaldea, ikasle ohi
batzuekin harremanetan jarri eta haien laguntzarekin ikasle ohiak
aurkitu dituzte. Halere, gehien erabili duten tresna Internet izan
da, eta batik bat bertako sare sozialak, Facebook eta gisa horretako
sareek ikasle ohi asko
aurkitzeko balio izan baitute.
Ikerketa bera hiru ataletan
banatu dute, baina
argitalpen honetan bi nagusi
aipatzen dira: ibilbide
sozio-profesionala, batetik,
eta ikasle ohien mugikortasuna,
bestetik. Horrez gain,
ikerketari loturiko analisi
gehigarri bat ere jasotzen
du dokumentuak, Hegoaldera
joatearen aukeraren
ingurukoak aztertzen dituena,
hain justu.
 |
|