2011 urtean emakumeen enplegu tasa %2 emendatu da, INE eta INSEEren datuak kontuan hartuz. Honek emakumeen enplegu tasa, iturri ofizialen arabera, %64,3 eta %64,6 inguruan jartzen du. 2008 urtean gertatutako galera txikiaren eta 2009ko gainbeheraren ondoren joan den urteko datuek adierazten duten emakumeen enpleguak gora egiten jarraitzen duela.

Juan Carlos Longas, Nafarroako Unibertsitate Publikoko irakaslea da eta ongi ezagutzen ditu Nafarroa Garaiko ekonomiaren gora beherak. Ekonomia urbanoan eta erregionalean lan egindakoak Xabier Lekuona kazetariaren galderak erantzuten ditu Gaindegiarentzat.

2011 urtean zehar Forondaren bidez garraiatutako merkantzia tonak %24,0 handitu ziren, aurreko urtearekin alderatuz gero. Euskal aireportuen artean eginkizun hauetan Forondak bereganatu du jardueraren %93a. Hala, 2010 urtean zehar izandako hazkunde apala gogoz egonkortu da 2011 urtean.

Mapa honetan Euskal Herriko hiru administrazio eremu nagusien langabezi tasak Europako erregioen kontestuan ikus ditzakegu. 2010 urteko datuen arabera, Euskal Herriko hiru administrazioetako langabezia tasak Europako erregio guztiekin alderatuko bagenitu, 317 erregioen rankingean (NUTS2) gure administrazioak honako postuan leudeke: 56.

Langabeziak gora egin du Euskal Herrian 2011 urtean zehar, laugarren urtez jarraian. Iparraldea eta Araba dira langabeziaren hazkunderik ezagutu ez zuten euskal lurralde bakarrak. Gainontzekoetan, langabetuen kopuruak gora egin du, Bizkaian eta Gipuzkoan bereziki. Testuinguru honetan, iaz Euskal Herrian langabezia % 11,9 handitu zen aurreko urtearen aldean eta langabezi tasa %12,0 izatera iritsi, Hegoalderako INEren datuak aintzat hartuta.